"ქრისტიან-დემოკრატებმა" დღეს სააპელაციო სასამართლოს გადაწყვეტილება უზენაეს სასამართლოში გაასაჩივრეს. სარჩელი, რომლითც ქდმ დენის ტარიფზე დასუფთავების გადასახადის მიბმას აპროტესტებს, პირველმა ორმა ინსტანციამ არ დააკმაყოფილა.
„ამჯერად უზენაეს სასამართლოს მივმართავთ საკრებულოს გადაწყვეტილების გაუქმების მოთხოვნით და თუ აქაც უგულებელჰყვეს ათასობით ოჯახის მოთხოვნა, რომელთაც ეს ყოვლად უგუნური გადაწყვეტილება დღემდე აზარალებს, ამ ადამიანების ინტერესს ჩვენ აუცილებლად დავიცავთ სტრასბურგის სასამართლოში "- განაცხადა გიორგი თარგამაძემ.
„ქრისტიან-დემოკრატების" ინფორმაციით, ყველა კვლევა ადასტურებს, რომ ხალხზე ზრუნვის მოტივით განხორციელებული რეფორმის შემდეგ, თბილისის მოსახლეობის 90 პროცენტის სოციალური მდგომარეობა კიდევ უფრო დამძიმდა.
გიორგი თარგამაძის განცხადებით, წელს მაღალი კომუნალური გადასახადი მძიმე ტვირთად დააწვა არა მხოლოდ იმ ოჯახებს, რომლებიც სახელმწიფო შემწეობებს იღებენ, არამედ მკვეთრად გაუარესდა იმ ოჯახების სოციალური ფონიც, რომელთა წევრები მუშაობენ და გააჩნიათ სტაბილური შემოსავალი.