პარლამენტმა პოლიტიკური პარტია "ქართული დასის" მიერ შემუშავებული კანონპროექტის კენჭისყრა, რომელიც ჯარიმებისა და საურავების ამნისტიას ითვალისწინებს, ხვალისთვის გადადო.
როგორც დღეს პარლამენტის რიგგარეშე სხდომაზე მთავრობის საპარლამენტო მდივანმა გიორგი ხუროშვილმა განმარტა, ამის მიზეზი კანონპროექტის მოუმზადებლობაა, კერძოდ, ის, რაზედაც მომხსნებელი საუბრობდა, კანონპროექტის რელაურ შინაარსს არ შეესაბამება.
ხუროშვილის მოსაზრება პარლამენტის თავმჯდომარე დავით ბაქრაძემაც გაიზიარა და ოპოზიციონერ დეპუტატს საკითხის კარგად მომზადება ურჩია.
შეგახსენებთ, რომ ბაღათურია გადასახადების, ჯარიმებისა და საურავების ჩამოწერას მოითხოვს 900 ათასი სოციალურად დაუცველისთვის. ასევე 600 ათასი ოჯახისთვის, რომელიც თავს დაუცველად გრძნობს და 500 ათასი პენსიონერისთვის.