პარლამენტმა ახალი საარჩევნო კოდექსი დაამტკიცა. რიგგარეშე სხდომაზე ახალი "საარჩევნო კოდექსი" კანონმდებლებმა 111 ხმით, 2-ის წინააღმდეგ მიიღეს.
პარლამენტის თავმჯდომარემ კოდექსის მიღება დეპუტატებს და მის შემუშავებაში მონაწილეებს "განსაკუთრებით" მიულოცა.
"კოდექსი მიღებულია და ახლა ერთი პატარა დეტალი დარჩა - არჩევნების კარგად ჩატარება", - აღნიშნა ბაქრაძემ.
შეგახსენებთ, რომ ახალ საარჩევნო კოდექსზე მუშაობა დაახლოებით ერთი წელია მიმდინარეობს და მასში მონაწილეობა ოპოზიციის მხოლოდ ერთმა ნაწილმა მიიღო.