არასამთავრობო ორგანიზაციების შეფასებით, პარტიების მხრიდან ამომრჩევლისთვის საუკეთესო ცხოვრების დაპირება, შესაძლოა, სამწლიანი თავისუფლების აღკვეთით დასრულდეს.
როგორც დღეს იურიდიულ საკითხთა კომიტეტის სხდომაზე სისხლის სამართლის კოდექსში პოლიტიკური პარტიებისთვის სანქციების დაწესების განხილვისას არასამთავრობო ორგანიზაციის წარმომადგენელმა ლადო ბოჟაძემ აღნიშნა, მოცემული ცვლილებებით, პარტია ან მისი წარმომადგენელი, რომელიც მოსახლეობას წინასაარჩევნო პერიოდში უკეთესი ცხოვრების მოწყობას დაჰპირდება, შეიძლება, 3 წლით ციხეში აღმოჩნდეს.
ამასტან, ბოჟაძე არ გამორიცხავს, რომ მსგავსი ცვლილებების მიღების შემდეგ ქვეყანაში სამოქალაქო დაპირისპირება მოხდეს, რადგან ხელისუფლებამ კანონი შეიძლება "ვიღაცების" დასაჭერად გამოიყენოს. აღნიშნულთან დაკავშირებით, საპარლამენტო უმრავლესობის ერთ-ერთმა ლიდერმა აკაკი მინაშვილმა აღნიშნა, რომ სისხლის სამართლის პასუხისმგებლობა მხოლოდ იმ პირებს შეეხებათ, ვინც დანაშაულს წინასწარი შეცნებით ჩაიდენენ.
ამასთან, კანონპროექტის ერთ-ერთი ავტორის უმრავლესობის წევრის ჩიორა თაქთაქიშვილის თქმით, ცვლილებებში შევა დაზუსტება, რომ პარტიები ტრადიციულ დღესასწაულებზე არ შეიზღუდონ და მათ მოსახლეობისთვის საჩუქრების გადაცემის უფლება ჰქონდეთ.
