საარჩევნო სუბიექტებს, შესაძლოა, ერთ ბლოკში გაერთიანება აეკრძალოთ, თუ მათი წლიური ხარჯი ერთად მთლიანი შიდა პროდუქტის 0.2%-ს აღემატება. აღნიშნული ინციატივა დღეს პარლამენტის რიგგარეშე სხდომაზე უმრავლესობის წევრმა, ვახტანგ ბალავაძემ "საარჩევნო კოდექსის" პროექტის განხილვისას გააჟღერა.
მისი განმარტებით, იმ შეთხვევაში, თუ რამდენიმე პოლიტიკური პარტია ბლოკად შეკვრას გადაწყვეტს, მათი ერთობლივი წლიური დანახარჯი მშპ-ს 0.2%-ს არ უნდა აღემატებოდეს, წინააღმდეგ შემთხვევაში, მათ ერთ ბლოკში გაერთიანება უნდა აეკრძალოთ.
უმრავლესობის წევრი ინიციატივას "სამართლიანობის პრინციპით ხსნის" და აცხადებს, რომ აღნიშნული ნორმის მიღებით პარტიებს თანასწორობა შენარჩუნდება და სხვა პატარა პარტიები აღარ "დაიჩაგრებიან".
ბალავაძის ინიციატივას უმრავლესობის წევრი, "საარჩევნო კოდექსის" პროექტის ერთ-ერთი ინიციატორი პავლე კუბლაშვილი გამოეხმაურა და აღნიშნა, რომ კოდექსში მისი ასახვა მოხდება.