"სახალხო კრება" მაისის მოვლენების დროს დაპატიმრებული მხარდამჭერების გათავისუფლებას მოითხოვს. ამის შესახებ "სახალხო კრების" ადვოკატმა ნათია კორკოტაძემ განაცხადა.
"ამჟამად სასჯელაღსრულების დაწესებულებებში იმყოფება 39 პირი, რომელთა მიმართ აღძრულია სისხლის სამართლის საქმე, თუმცა სასამართლოს განაჩენი ჯერ არ გამოუტანია. სასამართლომ გადაწყვეტილების მიღება გააჭიანურა და პროცესები 2012 წლისთვის გადადო", - განაცხადა კორკოტაძემ.
მისი თქმით, ყველა ეს პირი დაკავებულია პოლიტიკური ნიშნით და არიან უკანონო პატიმრები.
"დაკავების შემდეგ მათ არ მიეცათ საშუალება, რომ დაკავშირებოდნენ ოჯახის წევრებს და ჰყოლოდათ ადვოკატი. ისინი განათავსეს "კარანტინში", სადაც უმძიმეს პირობებში ამყოფებდნენ. ასვე მივმართავ შს მინისტრს, ვანო მერაბიშვილს, რომ "სახალხო კრებას" დაუბრუნოს ოფისი და "მიტაცებული" ქონება, მათ შორის, ავტომანქანები", - აღნიშნა კორკოტაძემ.