საპარლამენტო უმრავლესობის ლიდერის პეტრე ცისკარიშვილის განცხადებით, ბიძინა ივანიშვილის ყულაბის გასაღები კრემლსა და გოსდუმაში დევს.
ამის შესახებ ცისკარიშვილმა ოპოზიციონერი დეპუტატის ჯონდი ბაღათურიას განცხადების გამოხმაურებისას დღეს, პარლამენტის რიგგარეშე სხდომაზე განაცხადა.
"ბატონო ჯონდი, ბიძინა ივანიშვილის ყულაბის გასაღები არის არა საქართველოს პარლამენტის ტრიბუნაზე, არამედ კრემლსა და გოსდუმაში. ეს გასაღები სწორედ იქ უნდა ეძებოთ და მაშინ დაფინანსებასაც მიიღებთ", - მიმართა ცისკარიშვილმა ბაღათურიას.
მისვე თქმით, მაშინ, როცა ჯონდი ბაღათურია და მისი კოლეგები ბიძინა ივანიშვილს დითირამბებს უმღერიან, აღარ იციან, თუ როგორ მოაწონონ მას თავი და მისთვის თავმოწონების მიზნით ხან პრორუსულები ხდებიან, ხანაც ჩვენი ლანძღვით ცდილობენ ამას, ამ დროს ფულს სულ სხვა კაცი - კობა დავითაშვილი იღებს, რომელიც ბოლო პერიოდში არანაირი პოლიტიკური განცხადებებით არ გამოირჩეოდა.