საქართველოს პრეზიდენტის პრეს-სპიკერის მანანა მანჯგალაძის განცხადებით, კარგი გარანტია არსებობს იმისა რომ 2012 წლის შემოდგომაზე დაგეგმილი არჩევნები წინა არჩევნების მსგავსად დემოკრატიულ გარემოში ჩატარდეს.
მისი თქმით, 2012 წელი მნიშვნელოვანი იქნება დემოკრატიული რეფორმების გაგრძელების თვალსაზრისით.
"მოგეხსენებათ, რომ წელს არის საპარლამენტო არჩევნების წელი. საზოგადოების სხვადასხვა ჯგუფებს შორის თანამშრომლობა გვაძლევს კარგი გარანტიის საფუძველს, რომ 2012 წლის შემოდგომაზე დაგეგმილი არჩევნები, წინა არჩევნების მსგავსად, დემოკრატიულ გარემოში ჩატარდება და კიდევ ერთხელ წარმოვაჩენთ ჩვენს ქვეყანას როგორც თავისუფალი სამყაროს ნაწილს", - განაცხადა მანჯგალაძემ დღეს გამართულ ტრადიციულ ბრიფინგზე.