სერგი კაპანაძე: ევროსასამართლოს მიერ მიღებული სარჩელი რუსული აგრესიის შედეგად დაზარალებული მოსახლეობის ინტერესების დასაცავად წინ გადადგმულ ნაბიჯია
ადამიანის უფლებათა დაცვის ევროპული სასამართლოს მიერ მიღებული სარჩელი რუსული აგრესიის შედეგად დაზარალებული მოსახლეობის ინტერესების დასაცავად წინ გადადგმულ ნაბიჯია. ამის შესახებ დღეს გამართულ ტრადიციულ ბრიფინგზე საქართველოს საგარეო საქმეთა მინისტრის მოადგილემ სერგი კაპანაძემ განაცხადა.
"19 დეკემბერს დაშვებულად გამოცხადდა საქმე საქართველო რუსეთის წინააღმდეგ. საგარეო საქმეთა სამინისტრო მიესალმება ამ ფაქტს და მიგვაჩნია, რომ აღნიშნული გადაწყვეტილება წარმოადგენს 2008 წლის აგვისტოს რუსული აგრესიის შედეგად დაზარალებული მოსახლეობის ინტერესების დასაცავად წინ გადადგმულ ნაბიჯს", - განაცხადა მინისტრის მოადგილემ.
