მცირე და საშუალო საწარმოთა ასოციაციის პრეზიდენტის გიორგი ისაკაძის თქმით, საარჩევნო პერიოდში ბიზნეს ყოველთვის აქვს კითხვები.
ამის შესახებ ისაკაძემ დღეს, პარლამენტში ბიზნეს საბჭოს გაფართოებული სხდომის დასრულების შემდეგ განაცხადა.
"მიმდინარე წლის ბოლოს, ბიზნეს საბჭოს შეხვედრა ძირითადად საინფორმაციო ხასიათი იყო. მიუხედავად იმისა, რომ ბიუჯეტი უკვე დამტკიცებულია, მაქსიმალურად ინფორმაცია მივიღეთ 2012 წელთან დაკავშირებით, თუნდაც გამომდინარე იქიდან, რომ ეს საარჩევნო წელიწადია და ბიზნესს ერთი მეტი კითხვა ყოველთვის აქვს", - აღნიშნა ისაკაძემ.
მისივე თქმით, 2012 წლის ბიუჯეტი საკმაოდ შთამბეჭდავი ციფრებშია გამოხატული.
"ყველას ვურჩევ, მათ შორის დეპუტატებსაც დაინტერესდნენ და კარგად გაეცნონ, რადგან ბიუჯეტში ის პრობლემატური "სხვა ხარჯები" დეტალურად არის გაშიფრული და ყველა კითხვა მოხსნილია", - განაცხადა გიორგი ისაკაძემ.
