საქრათველოს საგარეო საქმეთა მინისტრის გრიგოლ ვაშაძის განცხადებით, არცერთ კავკასიელ ერს რუსეთი არ სჭირდება
როგორც მან ჟურნალისტებთან საუბრისას განაცხადა, მოსკოვში გაკეთებულ განცხადებებზე რეაგირებას აზრი აღარ აქვს, რადგან მოსკოვში დღეს ამბობენ, რომ ეყოთ კავკასიის რჩენა. მეორე დღეს კი აცხადებენ, რომ მათი მხრიდან რუსეთის რჩენის გარეშე კავკასიელი ხალხი ერთმანეთთან ომს გააჩაღებსო.
"საქართველოს მაგალითი ამტკიცებს იმას, რომ არცერთ კავკასიელ ერს რუსეთი არ სჭირდება. როგორც საქართველოა ეკონომიკური თვალსაზრისით რუსეთისგან დამოუკიდებელი და როგორც რუსეთი ყიდულობს ყველაფერს საქართველოსგან, განსაკუთრებით ელექტროენერგიას, ასევე შეუძლია ყველა კავკასიელ ერს თავისი ცხოვრებისა და თავისი ეკონომიკის მოწყობა მოსკოვის ყოველგვარი ჩარევის გარეშე" - განაცხადა ვაშაძემ.