ბიძინა ივანიშვილის ადვოკატები საქართველოში აკრედიტებულ დიპ-კორპუსსა და საერთაშორისო ორგანიზაციებს ბიძინა ივანიშვილთან დაკავშირებულ სამართლებრივი კუთხით განვითარებულ მოვლენებს აცნობენ.
როგორც შეხვედრის დაწყებამდე ჟურნალისტებს ბიძინა ივანიშვილის ერთ-ერთმა ადვოკატმა არჩილ კბილაშვილმა განუცხადა, დღევანდელ შეხვედრაზე საუბარი ძირითადად შეეხება ბანკი "ქართუს", როსტომ მეფის სასახლეს, ბიძინა ივანიშვილისა და მისი მუეღლის ეკატერინე ხვედელიძის მოქალაქეობის ჩამორთმევას.
შეხვედრის დროს ბანკი "ქართუს" პრეზიდენტმა ნოდარ ჯავახიშვილმა განაცხადა, რომ ბიძინა ივანიშვილის პოლიტიკაში მოსვლის შემდეგ ქართუ ბანკზე ხელისუფლების მხრიდან უპრეცენდენტო ზეწოლა ხორციელდება.
"პირველი ზეწოლა განხორციელდა მაშინ, როდესაც იმ კლიენტებს, რომლებსაც მსხვილი საშემოსავლო ანგარიშები ჰქონდათ, მოსთხოვეს, რომ ეს ანგარიშები გამოეტანათ და სხვა ბანკებში გადაეტანათ. 7 ოქტომბრიდან 25 ოქტომბრამდე 45 მილიონი ლარის გადინება განხორციელდა. თუმცა ამის საპასუხოდ ქართულმა საზოგადოებამ წამოიწყო უპრეცენდენტო აქცია. მათ თავიანთი ნებით დაიწყეს ქართუ ბანკში ანაბრების გახსნა და მთლიანობაში 23 ათასამდე ანაბარია გახსნილი. ამ აქციის დაწყებამდე კი ეს რიცხვი 870-მდე იყო. ასევე უპრეცენდენტო შემთხვევა განხორციელდა ხელისუფლების მხრიდან, როდესაც სრულიად უკანონოდ დააპატიმრეს ქართუ ბანკის საინკასაციო მანქანა და ფულადი სახსრები. მათ ამის არანაირი უფლება არ ჰქონდათ," - განცახადა ჯავახიშვილმა.
მანვე ისაუბრა საგადასახადო კოდექსში შეტანილ ცვილლებებსა და სხვა ქმედებებზე, რომელიც მისი თქმით, "ბანკი ქართუს" მიმართ ბრძოლისთვის ხორციელდება.
არჩილ კბილაშვილი დიპლომატებს წარუდგენს ინფორმაციას როსტომ მეფის სასახლის ირგვლივ მიმდინარე დავების შესახებ. კიდევ ერთი ადვოკატი შალვა თადუმაძე კი ივანიშვილისა და მისი მეუღლის მოქალაქეობის ჩამორთმევასთან დაკავშირებულ ინფორმაციას გააცნობს.
არჩილ კბილაშვილის თქმით, როსტომ მეფის სასახლესთან დაკავშირებით ერთის მხრივ ქალაქ თბილისის მერიისა და მისი სამსახურების დესტრუქციული ქმედებები და მეორეს მხრივ პოლიციის ორგანოთა უმოქმედობა, ქმნის საფუძვლიან ეჭვს იმისათვის, რომ როსტომ მეფის სასახლის ირგვლივ გაჩენილი პრობლემები სახელმწიფო ორგანოთა მიერ ხელოვნურადაა ექმნილი.
რაც შეეხება მოქალაქოების ჩამორთმევას ივანიშვილის ადვოკატები დიპლომატებთან შეხვედრისას აცხადებენ რომ ეს იყო ხელისუფლების მხრიდან უკანონო ქმედება და მათ ამის განხოცრიელების არავითარი უფლება არ ჰქონდათ.
ბიძინა ივანიშვილის ადვოკატებსა და საქართველოში აკრედიტებულ დიპლომატიური კორპუსისა და საერთაშორისო ორგანზიაციების წარმომადგენლების შეხვედრა ამ წუთებში თბილისი მარიოტში მიმდინარეობს.
