პარლამენტის თავმჯდომარის დავით ბაქრაძის შეფასებით, ანტიტერორისტულ კოალიციაში საქართველოს მონაწილეობა არის ყველაზე კარგი პასუხი რუსეთის აბსურდულ ბრალდებებზე. ამის შესახებ ბაქრაძემ პარლამენტის მიერ გუშინ, რიგგარეშე სხდომაზე ავღანეთში დამატებით კიდევ ერთი ქართული ბატალიონის გაგზავნის დამტკიცების შესახებ განაცხადა.
"არასდროს არ არის ადვილი და სასიამოვნო გადაწყვეტილება მხარი დაუჭირო ქართველი სამხედროების გაგზავნას მსოფლიოს რომელიმე ცხელ წერტილში. ჩვენი მონაწილეობა ანტიტერორისტული კოალიციაში ერთი მხრივ, კარგი პასუხი ყველა იმ აბსურდულ ბრალდებაზე, რომელიც რუსეთის მხრიდან გვესმის საქართველოს ტერორისტებთან კავშირის თაობაზე", - აღნიშნა ბაქრაძემ.
მისივე შეფასებით, ყველას უნდა ესმოდეს, რომ ავღანეთში ქართველი სამხედროები უპირველესად ემსახურებიან საქართველოს უსაფრთხოების განმტკიცებას.
"ჩვენი ბიჭები თავის მსახურებით კიდევ უფრო აღრმავებენ საქართველოს ევროატლანტიკური ალიანსთან დაკავშირებას", - მიაჩნია პარლამენტის თავმჯდომარეს.
