საზოგადოებრივ მოძრაობაში "ქართული ოცნება" ჩამოყალიბდა დარგობრივი მიმართულება- "სამართლის სისტემა, ადამიანის უფლებები და მართლმასჯულება", რომელსაც მინდია უგრეხელიძე უხელმძღვანელებს.
როგორც პრეზენტაციისას დარგობრივი მიმართულების ხელმძღვანელის მოადგილემ, ზაქარია ქუცნაშვილმა განაცხადა, აღნიშნული მიმართულების მიზანია შესაბამის სფეროებში შექმნილი ვითარების ანალიზი, ხოლო ამის კვალობაზე, დემოკრატიული განვითარებისა და იურიდიული ინსტიტუტების რეკონტრუქციის პროექტის მომზადება.
" შეიქმნა ქართული ოცნების დარგობრივი ჯგუფი. თქვენ იცით, რომ ქართული ოცნება ათი მიმართულებით აპირებს გეზის აღებას. დაგეგმილია საზოგადოებისათვის ყველაზე უფრო მწვავე და მგძნობიარე პრობლემების იდენტიფიკაცია, აღნუსხვა, მათი კონცეპტუალური დახასიათება და რეაბილიტაციის ღონისძიებათა სისტემის შემუშავება. აუცილებელი რეგულაციისათვის მომზადება კონკრეტული საკანონმდებლო ინიციატივების პროექტები", - განაცხადა ქუცნაშვილმა.
მისი თქმით, თემატურ ჯგუფებში წარმოდგენილი არიან აკადემიური წრეების და ადვოკატთა გაერთიანების, უფლებადამცველთა კორპუსი, მედიასა და საზოგადოებრივი მოძრაობის სხვა ცნობილი წარმომადგენლები, რომლებიც თემატურ ჯგუფებში გაწევრიანდებიან სპეციალიზაციის მიხედვით.
თემატურ ჯგუფებს ხელმძღვანელობას გაუწევენ დარგის სპეციალისტები: იოსებ ბარათაშვილი, ალაქსანდრე ბარამიძე, პაატა გაჩეჩილაძე, ნათია კინწურაშვილი, პაატა ცნობილაძე, თეა წულიკიანი და უჩა ნანუაშვილი. დარგობრივი მიმართულების ხელმძღვანელია მინდია უგრეხელიძე; მოადგილე ზაქარია ქუცნაშვილი