"ქართული დასის" ლიდერი ჯონდი ბაღათურიას შეფასებით, პოლიტიკაში გადაცემული მიშისტების შეგზავნა ახალი პოლიტიკურ ტექნოლოგიაა. ამის შესახებ ბაღათურიამ დღეს, პარლამენტის რიგგარეშე სხდომაზე "თავისუფლების ქარტიაში" შესატან ცვლილებებზე საუბრისას აღნიშნა, რომლის განხილვასაც პარლამენტი 23 დეკემბერს სესიაზე პირველი მოსმენით განიხილავს.
"დღეს დარეგისტრირდა "თავისუფლების ქარტიაში" ცვლილებების პროექტი, რომელიც ეხება დღეს მოქმედ პარლამენტში კრემლის შპიონებს და არა ვანოს და მიშას შპიონებს გამოვლენას, ამიტომ მოგიწოდებთ ტყუილად მიშას შპიონები ნუ გამოგვეხმაურებიან", - მიმართა დეპუტატებს ბაღათურიამ.
მისივე თქმით, რუსეთის სპეცსამსახურებში ადრე იყო, რომ მოწინააღმდეგის ბანაკში მათივე ფორმაში გადაცმულ თავისიანებს შეაგზავნიდნენ ხოლმე და ამ ტექნოლოგიას სპეცსამსახურები დღესაც იყენებენ.
"თუმცა, პოლიტიკაში გადაცმული მიშისტების შემოგზავნა როგორც ჩანს ახალი პოლიტიკური ტექნოლოგია. კანონპროექტის განხილვისას ნურც ღიად ნაციონალური მოძრაობის წარმომადგენლები გამოგვეხმაურებიან, ამაზე შეუძლიათ მიკროფონთან რიგი დაიკავონ კრემლის აგენტებმა, რადგან ლუსტრაციას ეხება", - აღნიშნა ოპოზიციონერმა დეპუტატმა.
ამასთან, ბაღათურიას თქმით, ქარტიის მიღების დროს მასში მოქმედი პრეზიდენტისა და პრემიერს ჩაწერა პარლამენტს გამორჩა ან გამოტოვეს კრემლის ყოფილი აგენტების ზეწოლით.
