ვიცე-სპიკერის პაატა დავითაია არ გამორიცხავს, რომ ოკუპირებულ აფხაზეთში დივერსიული ჯგუფების სამხედრო წვრთნები "რაღაცისთვის მზადება" იყოს.
როგორც დღეს, პარლამენტის რიგგარეშე სხდომაზე დავითაიამ აღნიშნა, აფხაზეთის ოკუპირებულ ტერიტორიაზე დღეს რუსული სამხედრო წვრთნები დაიწყო, რაც შეიძლება განსაკუთრებული მოვლენა არ ყოფილიყო, რომ არა მისი სპეციფიკური ამოცანა.
"ამ წვრთნების ამოცანა მდგომარეობს დივერსიული ოპერაციების ჩატარებასა და ამ ოპერაციებში სნაიპერებს გამოყენებაზე. მთელი ჩრდილოკვაკასიიდან სნაიპერები დღეს აფხაზეთის ტერიტორიაზე არიან თავმოყრილები. მინდა ხაზი გაუსვა, რომ ასეთი ხასიათის წვრთნები აფხაზეთის ტერიტორიაზე არასდროს არ ჩატარებულა და ეს წვრთნები მიუთითებს იმას, რომ მიდის რაღაცისთვის მზადება", - აღნიშნა დავითაიამ.
ამასთან, დავითაიამ საგარეო საქმეთა სამინისტროს მოუწოდა აღნიშნულ; ფაქტთან დაკავშირებით რეაგირება სასწრაფოდ მოახდინოს და საერთაშორისო ორგანიზაციები საქმის კურსში ჩააყენოს.
