რუსეთის ხუთი მილიონი მოქალაქე ნარკოტიკების მომხმარებელია - ეს განცხადება ნარკოტიკების ბრუნვის კონტროლის ფედერალური სამსახურის ხელმძღვანელმა ვიქტორ ივანოვმა გააკეთა. მისივე თქმით, ყველა მათგანი ნარკომანი არ არის, მაგრამ სწორედ მათი მხრიდან ნარკოტიკების მუდმივი მოთხოვნის არსებობის გამო ვერ ხერხდეა იმ არხების გადაკეტვა, რა არხებითაც ნარკოტიკი ქვეყანაში შედის.
ივანოვის თქმით, ბოლო ოთხი წლის განმავლობაში ნარკოტიკების ბრუნვის კონტროლის ფედერალური სამსახურმა მოახერხა ავღანური რეგიონიდან ნარკოტიკების შემოდინების მოცულობის შემცირება.
"ჩვენი მონაცემებით ავღანური ჰეროინის ბრუნვა რუსეთის ფედერაციის ტერიტორიაზე ბოლო ოთხი წლის განმავლობაში 20 % შემცირდა. მიუხედავად ამისა, სწორედ ავღანური ნარკოტიკის გამო იტანჯება რუსეთის ნარკომანების უმეტესი ნაწილი ამ დრომდე", _ აცხადებს ივანოვი.
ნარკოტიკების ბრუნვის კონტროლის ფედერალური სამსახურის მონაცემებით, ნარკოტიკების მოხმარების გამო ყოველწლიურად რუსეთის ფედერაციის ტერიტორიაზე 100 ათასზე მეტი ადამიანი იღუპება. ამავე რაოდენობის მოქალაქე კი დაკავებულია ნარკოტიკული საშუალებების უკანონო ბრინვის ხელშეწყობისათვის.
"ეს დიდი ციფრია. ყოველწლიურად აღძრული სისხლის სამართლის დანაშაულის რაოდენობა 220 ათასზე დაბლა არ მიდის", _ აცხადებს ივანოვი.