იურიდიულ პირებს, რომლებიც პირდაპირ ან რამენაირად არიან დაკავშირებული პარტიის დაფინანსებასთან, იგივე ფინანსური შეზღუდვები დაუწესდებათ, როგორიც პარტიას. აღნიშნულთან დაკავშირებით ცვლილება შედის მოქალაქეთა პოლიტიკური გაერთიანების შესახებ კანონში, რომელიც დღეს საფინანსო-საბიუჯეტო და იურიდიული კომიტეტების გაერთიანებულ სხდომაზე განიხილეს.
დეპუტატებმა ჯონდი ბაღათურიამ და ლევან ვეფხვაძემ აღნიშნეს, რომ ეს შეზღუდვა ძირითადად კულტურის, განათლებისა და სპორტის სფეროს წარმომადგენლებს შეეხებათ, ამიტომ მოუწოდეს კულტურის, განათლებისა და სპორტის სამინისტროებს, კარგად დაფიქრდნენ, უღირთ თუ არა ამ გადაწყვეტილების მიღება.
