საპარლამენტო უმრავლესობის ერთ-ერთი ლიდერის პავლე კუბლაშვილის განცხადებით, თუ დეპუტატთა რაოდენობა 150 დარჩება მაჟორიტარების რაოდენობა 83-მდე უნდა გაიზარდოს.
როგორც კუბლაშვილმა კონსულტაციების დაწყების წინ აღნიშნა, თავდაპირველად მმართველი პარტია ოპოზიციასთან კომპრომისზე წავიდა და დეპუტატების რაოდენობის 190-მდე გაზრდას დასთანხმდა.
„დიდ ქალაქებსა და რაიონებში დამატებითი მჟორიტარების არჩევა ვენეციის კომისიის რეკომენდაცია და თუ ახლა არ სურთ დეპუტატთა რაოდენობის გაზრდა მაშინ დარჩეს 83-67-ზე", - განაცხადა კუბლაშვილმა.
შეგახსნებთ, რომ ამ წუთებში პარლამენტის თავმჯდომარესთან დეპუტატთა რაოდენობის საკითხზე კონსულტაციები მიმდინარეობს, რომელშიც „ახალი მემარჯვენეები", „მრეწველები", „ქრისტიან-დემოკრატები", „ედპ", „ევროპელი დემოკრატები" და „ნაციონალური მოძრაობის" ლიდერები იღებენ მონაწილეობას.
