ამერიკის შეერთებული შტატების სახელმწიფო მდივნის თანაშემწის მოადგილის ერიკ რუბინის განცხადებით, აშშ ჩიკაგოს სამიტისთვის ნატო-ს წევრ ქვეყნებს შორის საქართველოსთან დაკავშირებით ერთიანი პოზიციის ჩამოყალიბებისთვის მუშაობს.
"აშშ მხარს უჭერს საქართველოს ევროატლანტიკურ სტრუქტურებში და ნატო-ში ინტეგრაციის მისწრაფებას. ნატო-ს ჩრდილოატლანტიკური საბჭოს წარმომადგენლები საქართველოში ყოფნისას გაეცვნენ იმ პროგრესს, რომელიც მთელ რიგ საკითხებშია საქართველოში და აღნიშნეს, რომ ეს არის წინ გადადგმული ნაბიჯი", - განაცხადა რუბინმა დღეს გამართულ პრესკონფერენციაზე.
მისი თქმით, აშშ-ს იმედი აქვს, რომ ჩიკაგოს სამიტზე ეს პროგრესი ღირსებულად შეფასდება და იქ იქნება საუბარი, თუ კონკრეტულად რა ნაბიჯები უნდა გადაიდგას მომავალში, თუ რა ფორმითი გამოიხატება ეს ნაბიჯები.
მან ასევე ისაუბრა იმ განსაკუთრებულ წვლილზე, რომელიც საქართველოს და ქართულ ჯარისკაცებს შეაქვთ ავღანეთის საერთაშორისო მისიაში.
