ამერიკის შეერთებული შტატების სახელმწიფო მდივნის თანაშემწის მოადგილის ერიკ რუბინის განცხადებით, ვენეციის კომისიის რეკომენდაციების გათვალისწნება ქართული კანონმდებლობისთვის სასარგებლო იქნება.
"აშშ მხარს უჭერს ქართულ დემოკრატიას და არჩევნები დემოკრატიის ყველაზე მნიშვნელოვანი მოვლენაა. ჩვენ დავეხმარებით საქართველოს, რომ არჩევნები ჩატარდეს მაქსიმალურად თავისუფალ და გამჭვირვალე გარემოში. ამასთან მიგვაჩნია, რომ ვენეციის კომისიის რეკომენდაცია ძალიან ღირებულია, ამ რეკომენდაციების გათვალისწინება ქართული კანონმდებლობისთვის სასარგებლო იქნება", - განაცხადა რუბინმა დღეს, აშშ-ს საელჩოში გამართულ პრესკონფერენციაზე.
მის თქმით, რაც უფრო თავისუფლად და სამართლიანად ჩატარდება არჩევნები, მით უფრო განვითარდება ქართული დემოკრატია.