ამერიკის შეერთებული შტატების სახელმწიფო მდივნის თანაშემწის მოადგილის ერიკ რუბინის განცხადებით, საქართველოში აშშ-ის სახელმწიფო მდივნის ჰილარი კლინტონის ვიზიტის ზუსტი თარიღი ჯერ ცნობილი არ არის.
მისი თქმით, ამჟამად მიმდინარეობს თარიღის დაკონკრეტება და ეს მოხდება ორმხრივი შეთანხმების საფუძველზე.
"ასევე, მიმდინარეობს დღის წესრიგზე მუშაობა, თუმცა ამ დროისთვის შეიძლება ითქვას, რომ სახელმწიფო მდივანი შეხვდება ოფიციალურ პირებს და მიმოიხილავენ ფაქტობრივად ყველა საკითხს. მათ შორის ეკონომიკის, სავაჭრო ურთიერთობებისა და თავდაცვის სფეროში პარტნიორობის სფეროებს, ასევე იმ მოვლენებზე იქნება მსჯელობა, რომელიც საქართველოს ელოდება, კერძოდ კი არჩევნებზე, ასევე ნატო-ს ჩიკაგოს სამიტზე, რომელიც მაისში უნდა გაიმართოს", - განაცხადა აშშ-ის საელჩოში გამართულ პრესკონფერენციაზე რუბინმა.
რუბინის თქმით, ჰილარი კლინტონისთვის საქართველოში წინა ვიზიტი სასიამოვნო იყო და სახელმწიფო მდივანი ახლაც მოუთმენლად ელის საქართველოში ჩამოსვლას.
