საქართველოში იტალიის საელჩო 2012 წლისთვის კულტურის სფეროში თანამშრომლობისათვის სპონსორების არჩევს. როგორც « ჯი-ეიჩ-ენს » იტალიის საელჩოდან აცნობეს, ეს გადაწყვეტილება "2011 წლის სპონსორიზაციის გეგმის" წარმატებით დასრულების შემდეგ იქნა მიღებული.
შეტყობინება სპონსორების შერჩევის შესახებ გამოქვეყნდა დღეს შემდეგ ვებ გვერდზე: http://www.ambtbilisi.esteri.it/Ambasciata_Tbilisi/Archivio_News/sponsor2012.htm. აღნიშნული შეტყობინების მიხედვით, მონაწილეობის მისაღებად მხოლოდ წერილის გაგზავნაა საჭირო.
Iტალიის საელჩოს ინფორმაციით, 2011 წლის სპონსორიზაციის გეგმა გამოირჩეოდა გამჭირვალეობითა და ეფექტურობით; სპონსორებს ასევე მიეცათ საშუალება წარმოჩინებულიყვნენ საელჩოს მიერ ორგანიზებული მაღალი დონის კულტურული ღონისძიებების დროს. დაწვრილებითი ინფორმაციის მიღება შესაძლებელია შემდეგ ვებ გვერდზე www.ambtbilisi.esteri.it კულტურის განყოფილებაში.
სპონსორებს წელსაც მიეცემათ საშუალებას გამოაქვეყნონ თავიანთი სავაჭრო ნიშანი ან ლოგო საელჩოს მიერ ორგანიზებული ღონისძიებების მოსაწვევებზე, ბროშურებზე, ფლაერებსა და პლაკატებზე. სპონსორები ასევე შეძლებენ საკუთარი საქმიანობის დროს გააჟღერონ, რომ არიან "2012 წლის იტალიის საელჩოს კულტურული საქმიანობის სპონსორები". "ძირითარი სპონსორები" შეძლებენ განათავსონ საკუთარი ლოგო ერთი წლის განმავლობაში საელჩოს ვებ გვერდზე, რაც უკვე იქცა იტალიის საგარეო საქმეთა სამინისტროს "კარგ ტრადიციად" buone prassi"). "ძირითარი სპონსორების" წარმომადგენლები ასევე მონაწილეობას მიიღებენ პრესკონფერენციებში, რომლებიც გაიმართება საელჩოს მიერ ორგანიზებული კულტურული ღონისძიებების ფარგლებში.
« როგორც მოგეხსენებათ, კულტურის როლი ეკონომიკურ ურთიერთობებში "გადამწყვეტი ფაქტორია", შესაბამისად იტალიის საელჩო 2012 წელსაც გეგმავს კულტურული ღონისძიებების საშუალებით იტალია-საქართველოს ერთმანეთთან დაახლოებას. 2012 წელს საელჩო კვლავაც მხარს დაუჭერს საქართველოს საჯარო სკოლებში იტალიური ენის სწავლების ეტაპობრივ პროცესს. საქართველოს განათლებისა და მეცნიერების სამინისტროსთან ეს შეთანხმება უკვე მიღწეულია 2011 წელს », - მიიჩნევენ იტალიის საელჩოში.