"საქართველოს ნატოში გაწევრიანება სამცხე-ჯავახეთში მაცხოვრებელი სომხების ნებას ეწინააღმდეგება", _ ნათქვამია რუსეთის "ჯავახკური დიასპორის" მიერ გავრცელებულ განცხადებაში.
რუსეთის სომხების გაზეთის "ერკამასის" ინფორმაციით, "ჯავახკური დიაპორის" მიერ გავრცელებულ განცხადებაში ნათქვამია, რომ საქართველოს ხელისუფლებამ ნატოში შესვლასთან დაკავშირებით 2008 წელს ჩატარებული ლებისციტის შედეგები გააყალბა. ამავე განცხადების მიხედვით, პლებისციტის შედეგები სამცხე-ჯავახეთში გაყალბდა.
სომხების აზრით, "საქართველოს ნატოში გაწევრიანება სამცხე-ჯავახეთის სომხური მოსახლეობისათვის მიზანშეწონილი არ არის და შეუძლებელია მას მხარდაჭერა მოეპოვებინა".
სომხების აზრით, "საქართველოს წევრობა სამხედრო-პოლიტიკურ ბლოკში ნიშნავს თურქეთისათვის, როგორც ალიანსის წევრისათვის, მხარის ტერიტორიის შესაძლო გადაცემას, რაც თავის მხრივ ეწინააღმდეგება სომეხი ხალხისა და ისტორიის მრავალსაუკუნოვან ბრძოლას".
ამას გარდა, სომხები ასევე მიიჩნევენ, რომ "სამხედრო პოლიტიკურ ალიანსში საქართველოს გაწევრინება ასევე პირდაპირი გამოწვევაა სომხეთისათვის, ვინაიდან აღნიშნული ფაქტი საფრთხეს უქმნის მის ნაციონალურ უსაფრთხოებას".
განცხადების ბოლოს სომხები აღნიშნავენ, რომ "საქართველოს მისწრაფება სამხედრო პოლიტიკურ ბლოკში გაწევრიანებისა ეწინააღმდეგება სამცხე-ჯავახეთის სომხური მოსახლეობის პოლიტიკურ ნებას და ამ საკითხის ასევ გადაწყვეტამ, თან სომხური მოსახლეობის აზრის იგნორირებისა და გაყალბების ფონზე, შესაძლოა მასებს კონფლიქტისკენ უბიძგოს და შედეგად მათ დააყენონ სეცესიის შესახებ განცხადება გააკეთონ" - წერენ სომხები და იქვე სიტყვა "სეცესიის" განმარტებას აკეთებენ.
სეცესია (ლათ. secessio) - სახელმწიფოს შემადგენლობიდან გამოსვლა (როგორც წესი ფედერაციულიდან) რომელიმე მისი ნაწილისა (როგორც წესი ფედერაციის სუბიექტისა). ეს ტერმინი ამ მნიშვნელობით აშშ-ში დამოუკიდებლობისათვის მიმდინარე სამოქალაქო ომის დროს გაჩნდა. აშშ-ში მიმდინარე სამოქალაქო ომის დროს სეცესია განახორციელეს ამერიკის კონფედერაციულმა შტატებმა.