"თავისაუფალი დემოკრატების" ლიდერ ირაკლი ალასანიას განცხადებით, ამერიკის შეერთებული შტატების სახელმწიფო მდივნის თანაშემწის მოადგილესთან, ერიკ რუბინთან შეხვედრისას საუბარი შეეხო იმას, თუ რა ცვლილებები გამოიწვია ბიძინა ივანიშვილის მოსვლამ ქართულ პოლიტიკაში.
"ჩვენ გვქონდა საუბარი შექმნილ გარემოსთან დაკავშირებით, რომელიც რეალურად უნდა გახდეს ბევრად უფრო მისაღები მომავალი არჩევნებისთვის. ვისაუბრეთ ასევე იმაზე თუ რა ცვლილებები გამოიწვია ბიძინა ივანიშვილის მოსვლამ ქართულ პოლიტიკაში. ჩვენ ვთხოვეთ ამერიკის შეერთებული შტატების წარმომადგენელს, რომ აშშ-მა ძალიან მტკიცედ დაუჭიროს მხარი შემდეგ ჩიკაგოს სამიტზე საქართველოს, რომ საქართველოს წვლილი ნატო-ში აღნიშნული იყოს და უფრო მიუახლოვდეს საქართველო ნატო-ში გაწევრიანებას", - განაცხადა ალასანიამ.
ქართული ოპოზიციური პარტიების ლიდერებისა და ერიკ რუბინის შეხვედრა აშშ-ს საელჩოში გაიმართა.
