დღეს, 16 დეკემბერს, 19:00 საათზე, წიგნის მაღაზია "დიოგენეში" გაიმართება ნინო სადღობელაშვილის პოეზიის საღამო.
ნინო სადღობელაშვილი დაიბადა 1980 წლის 30 იანვარს, თბილისში. 1996 წელს დაამთავრა თბილისის 149-ე საჯარო სკოლა, ამავე წელს ჩააბარა კულტურის სახელმწიფო ინსტიტუტში, ლიტერატურული დაოსტატების სპეციალობაზე. 2002 წელს დაამთავრა ინსტიტუტი, ამავე წელს დაიწყო მუშაობა საპატრიარქოს რადიოში, ლიტერატურული რედაქციის კორესპონდენტად.
გამოცემული აქვს წიგნები: "ბამბაზიის სამოთხე" (მოთხრობები, 2006); "შუაღამის იავნანა" (ლექსები, 2008); "ორსული" (რომანი, 2009).
2007 წელს, ქუთაისის ლადო მესხიშვილის თეატრში დაიდგა მისი პიესა "ბამბაზიის სამოთხე" (რეჟისორი გიორგი სიხარულიძე). 2009 წელს ავთო ვარსიმაშვილმა და გიორგი სიხარულიძემ გადაიღეს ამავე სახელწოდების მხატვრული ფილმი. 2011 წელს "ინტელექტმა" გამოსცა ლექსების კრებული "ფრთები და ხელები".
მეგობრებთან ერთად შექმნა კინოსტუდია "ხომლი" და მუშაობს მხატვრულ-დოკუმენტურ ფილმებზე.
