მსოფლიოში ყველაზე პოპულარული სოციალური ქსელი "Facebook"-ი, რომელსაც მსოფლიოს მასშტაბით 800 მილიონი მომხმარებელი ჰყავს, მომდევნო წლის აპრილ-მაისში საფონდო ბაზარზე გასვლას აპირებს. ინფორმაცია ამის შესახებ "Wall St. Journal"-ს კომპანიაში არსებულმა წყარომ მიაწოდა.
გამოცემის ინფორმაციით, "Facebook"-ს 10 მილიარდი აშშ დოლარის მოზიდვა უნდა, კომპანიის საბაზრო ღირებულებამ კი შესაძლოა 100 მილიარდი აშშ დოლარი შეადგინოს, რაც ორჯერ უფრო მეტია, ტექნოლოგიური ბაზრის ისეთ გიგანტებზე, მაგალითად, როგორიც არის "Hewlett-Packard"-ი.