"ეისითი კვლევის" მიხედვით ირკვევა, რომ ტურისტთა უმეტესობა დასასვენებელი ადგილის შერჩევისას ყველაზე მეტ ყურადღებას ზღვის ფაქტორს აქცევს. მათთვის ასევე თანაბარად მნიშვნელოვანი აუსაფრთხოება და ხელმისაწვდომი ფასი.
კვლევის მიხედვით ირკვევა, რომ ვიზიტორების უმეტესობა უპირატესობას საოჯახო ტიპის სასტუმროს ანიჭებს, რაც სავარაუდოდ განპირობებულია საოჯახო სასტუმროების ხელმისაწვდომი ფასით. ტურისტების მიერ რიგით მეორე არჩეული სასტუმროს ტიპი - საშუალო ფასიანი სასტუმრო - პირდაპირ მიუთითებს სასტუმროს არჩევისას ხელმისაწვდომობის ფაქტორის ზეგავლენაზე.
ტურისტების თითქმის ნახევარს მოსწონს აჭარა და სწორედ ესაა მათი აჭარაში სტუმრობის მიზეზი, ხოლო ვიზიტორთა გარკვეულმა ჯგუფმა აჭარაში დასვენება მეგობრების რჩევის შედეგად გადაწყვიტა.
"ტურისტების უმეტესობა მიიჩნევს, რომ წელს აჭარამ მათი მოლოდინები გაამართლა და შესაბამისად დამსვენებელთა დიდი ნაწილი სრულიად კმაყოფილია აჭარაში სტუმრობით.
დამსვენებელთა ის ჯგუფი, რომლებიც უკმაყოფილოები არიან აჭარაში სტუმრობით მიზეზებს შორის ასახელებენ რემონტით გამოწვეულ ხმაურსა და გადაადგილების საშუალებებს/ტრანსპორტს.
ტურისტების მიერ აჭარაში განმეორებით/მომავალში დაბრუნების ალბათობა საკმაოდ დიდია, ხოლო იმ ძირითად მიზეზთა შორის, რის გამოც ტურისტები სამომავლოდ კიდევ აპირებენ აჭარაში დასვენებას სახელდება სიმპატიები აჭარის ბუნების მიმართ და აჭარაში დასვენების ტრადიცია"- ნათქვამია კვლევაში.
იმ ვიზიტორთა შორის, რომლებიც აჭარაში არ აპირებენ სამომავლოდ დაბრუნებას, ყველაზე პოპულარული ფაქტორია ის, რომ ისინი დასასვენებლად ყოველთვის სხვადასხვა ადგილებს ირჩევენ და ერთნაირად პოპულარულია კურორტის სიძვირე და დაბალი დონის მომსახურება.
"ტურისტების კვლევა აჭარაში", რომელიც "ეისითი კვლევის" მიერ UNDP-ის დაკვეთით მომზადდა ნათქვამია, რომ ტურისტებთა დიდი ნაწილი აუცილებლად გაუწევდა რეკომენდაციას მეგობარს/ახლობელს დაესვენა აჭარაში.
