საქართველოში ბიზნესჟურნალ Forbes-ის ქართულენოვანი გამოცემა იწყება. დღეს, 8 დეკემბერს, 12:00 საათზე, სასტუმრო Holiday Inn-ში ჟურნალ Forbes-ის საქართველოში გამოსვლასთან დაკავშირებით პრესკონფერენცია გაიმართება.
საქართველოში ჟურნალი გამოიცემა ამერიკულ Forbes Media, LLC -სთან პარტნიორობით, სალიცენზიო ხელშეკრულების საფუძველზე ხდება.
Forbes-ის ქართული ვერსია საუკუნოვანი ისტორიის მქონე ჟურნალის რიგით მეოცე საერთაშორისო გამოცემაა. მისი შემოსვლა ქართულ ბაზარზე განპირობებულია იმ მნიშვნელოვანი ცვლილებებით, რომლებიც საქართველოში განხორციელდა და რწმენით, რომ ჩვენს ქვეყანას აქვს საკმარისი პოტენციალი, იყოს წარმატებული - ძლიერი ეკონომიკით, ნოვატორი ბიზნესმენებით, ღირებული იდეებით, თანამედროვე ტექნოლოგიებით, რაც ასე ფასეულია Forbes-ისთვის.
Forbes Georgia ყოველთვიური გამოცემაა, 3-ათასიანი ტირაჟით.
ჟურნალის პარალელურად, შესაძლებელია ინფორმაციის მიღება ყოველდღიურად განახლებადი ვებგვერდიდანაც (www.forbesgeorgia.ge).