."ჯი-ეიჩ-ენი". ამერიკის შეერთებული შტატების შემდეგ რუსეთის საპარლამენტო არჩევნებზე შეშფოთებას ევროპაც გამოთქვამს.
ევროკავშირის უმაღლესი კომისრის, კეტრინ ეშტონის განცხადებით, ეუთო-ს დასკვნის მიხედვით, არჩევნების პროცესში მედია მიკერძოებული იყო, არ არსებობდა ზღვარი პარტიასა და ხელისუფლებას შორის და ასევე განგებ უშლიდნენ ხელს დამოუკიდებელ დამკვირვებლებს.
ეშტონი იმედოვნებს, რომ შენიშვნების გათვალისწინებით რუსეთის მთავრობა საპრეზიდენტო არჩევნებს უფრო სამართლიანად და კანონიერად ჩაატარებს.
არჩევნებს გამოეხმაურა ევროპარლამენტის თავჯდომარე იერჟი ბუზეკიც. მისი თქმით, საარჩევნო პროცესი რუსეთში დაბალი კონკურენციის პირობებში წარიმართა და ხმის მიცემის პროცედურა დარღვევებით ჩატარდა, რასაც თან ახლდა დამოუკიდებელ დამკვირვებლებზე ზეწოლა. მან შეშფოთება გამოთქვა, რომ არჩევნებზე ევროპარლამენტის დამკვირვებლები არ დაუშვეს. ასევე, გააკრიტიკა ბოლო პერიოდში ოპოზიციონერების დაკავების ფაქტები.
შეგახსენებთ, რომ რუსეთში სახელმწიფო სათათბიროს არჩევნები 4 დეკემბერს გაიმართა.
