საპარლამენტო ოპოზიცია ერთმანეთს დაერია. ერთმენეთს უმცირესობის და ფრაქცია ~ერთობა სამართლიანობისთვის~ წევრები დაუპირისპირდნენ.
კამათი და გაწევ-გამოწევა სხდომაზე მას შემდეგ დაიწყო, რაც ფრაქცია ~ერთობა სამართლიანობისთვის~ წევრმა დიმიტრი ლორთქიფანიძემ უმცირესობას და უმრავლესობას მოუწოდა, რომ საკონსტიტუციო ცვლილების განხილვა არ დაეწყოთ და გონს მოგებულიყვნენ.
დიმიტრი ლორთქიფანიძესთან უმცირესობის წევრი ნუგზარ ერგემლიძე მივიდა და უთხრა რაში ადანაშაულებდა იმ დეპუტატებს, ვინც საკონსტიტუციო ცვლილებებს ხელი მოაწერა.
ლორთქიფანიძემ ერგემლიძეს მიმართა, რომ საკონსტიტუციო ცვლილებების ინიცირებაზე პირველი ერგემლიძეს ჰქონდა ხელი მოწერილი.
ეს სიტყვიერი შელაპარაკება მანდატურის სამსახურის თანამშრომლებმა აღკვეთეს. ამის შემდეგ ერთმანეთს ლევან ვეფხვაძე და თამაზ დიასამიძე დაუპირისპირდნენ.
თამაზ დიასამიძე ლევან ვეფხვაძეს წამოუხტა და ~ნაძირალა~ უწოდა, ხოლო ვეფხვაძემ დიასამიძეს მიმართა რომ ენა გაეჩუმებინა.
ორ დეპუტატს შორის სიტყვიერი შელაპარაკება მანდატურის სამსახურის თანამშრომლებმა განმუხტეს.