მმართველი გუნდის წევრის გოკა გაბაშვილის განცხადებით, დეპუტატთა რაოდენობის 190-მდე გაზრდასთან დაკავშირებით, ხელისუფლება კომპრომისზე წავიდა.
პარლამენტის დღევანდელ პლენარულ სხდომაზე გაბაშვილმა განაცხადა, რომ ამ საკითხთან დაკავშირებით, მოლაპარაკებების პროცესი ხანგრძლივი იყო.
მისი თქმით, არანაირი პანაცია არ არის არც 150 დეპუტატის საკითხი და არც 190 დეპუტატის.
"ეს არის პოლიტიკური შეთანხება, რომელიც მოხდა. ჩვენ კომპრომისულად დავთანხმდით იმ მოთხოვნაზე, რომელსაც გვიყენებდნენ, რომ გავაძლიეროთ მულტიპარტიული მრავალპარტიული სისტემა და მეტი შანსი მივცეთ ოპოზიციურ პარტიებს მონაწილეობა მიიღონ საპარლამენტო დემოკრატიაში. ამაში ჩვენ დავთანხმდით, ალოგიკურია დღეს ასეთი პათეტიური ტონით თუ რატომ დავთანხმდით იმას რასაც ოპოზიციონერები ითხოვდნენ", - განაცხადა გაბაშვილმა.
შეგახსენებთ, რომ დეპუტატთა რაოდენობის 190-მდე გაზრდის ინიციატივას ხელი 83 დეპუტატმა მოაწერა.
