თბილისის დიდ ნაწილს წყალი არ მიეწოდება. კომპანია "ჯორჯიან უოთერ ენდ ფაუერის" ინფორმაციით, დღეს, დილით ავარიულად დაზიანდა წიწამურში გამავალი მე-6 და მე-7 მაგისტრალური წყალდენები. დაზიანების საძიებო სამუშაოები ამ დროისთვის უკვე დასრულებულია, კომპანიის საავარიო ბრიგადები დაზიანების აღმოფხვრას შეუდგნენ.
მაგისტრალურ წყალდენებზე მომხდარი დაზიანების ლიკვიდაციის მიზნით, წყალმომარაგება შეწყვეტილი აქვს: სოფელ გლდანს, ავჭალის, კონიაკის, ცენტროლიტის, გლდანულას დასახლებებს; გლდანის მასივის III, IIIა, V, VI, VII, VIII მ/რაიონებს, თემქის III მ/რაიონს და მუხიანის სამხედრო დასახლებას; ნუცუბიძის ფერდობებს, ვაჟა-ფშაველას კვარტლებსა და ბაგებს ; სოფლებს: წყნეთს, კიკეთს, ტაბახმელას, კოჯორსა და წავკისს.
კომპანიის ინფორმაციით, დროის აღნიშნულ მონაკვეთში წყალს დაბალი წნევით მიიღებს: მთაწმინდა-კრწანისის რაიონი.
კომპანიის მენეჯმენტი განმარტავს, რომ "ჯორჯიან უოთერ ენდ ფაუერი" შეეცდება შეამციროს წყალმომარაგების შეზღუდვით გამოწვეული დისკომფორტი და ტექნიკური სამუშაოების ჩატარება შესაძლებლად მოკლე დროში დაასრულოს.
