Novotel-ი Microsoft-თან პარტნიორობით მომავლის ნომერს გაუშვებს. ნომერი, სახელწოდებით 3120 სასტუმრო Novotel Paris Vaugirard Montparnasse-ში, დიზაინის ტექნოლოგიისა და ინოვაციის ბოლო მიღწევას წარმოადგენს.
კომპანიები Novotel და Microsoft მჭიდროდ თანამშრომლობდნენ, რათა მაღალტექნოლოგიური სტილის უნიკალური ნომერი შეექმნათ.
ნომერი დაეხმარება სტუმრებს, გაემგზავრონ ტექნოლოგიურ მოგზაურობაში ისეთი მიღწევების დამსახურებით, როგორიცაა Kinect სისტემა სარკეებში, ფიტნესინტერფეისი და მულტიმედიური მაგიდები.
სტუმრები შეძლებენ, მართონ ნომრის ინტერფეისი ხმის ან ჟესტების საშუალებით, შეცვალონ ფართის სივრცე სიტუაციისა და საჭიროების მიხედვით.
შესაბამისი დიზაინის შესაქმნელად, Novotel კომპანიამ მიმართა დიზაინის სააგენტოს Naço-ს, რომლის წყალობითაც დიზაინი გასცდა ტრადიციული გაფორმების ჩარჩოებს.
ნომერი გაყოფილია ორ ძირითად ზონად: სამუშაო და დასვენების. თითოეულ ზონაში დადგმულია კონსოლი Xbox 360 Kinect-ით. ავეჯი შეიძლება გაწიო ან დამალო სპეციალურ ნიშაში, რათა გაათავისუფლო სივრცე სათამაშოდ, რაც ბავშვებს მოეწონებათ.
ტესტების რეჟიმში ახალი ოთახი მისაწვდომია 2012 წლის 14 თებერვლიდან 4 ადამიანისთვის, ღამეში 199 ევროდ.