,,ევროპელი დემოკრატების" ლიდერმა პაატა დავითაიამ პატიმარ მელორ ვაჩნაძის ჯანმრთელობის მდგომარეობის შესახებ განცხადება გააკეთა.
პარლამენტის ბიუროს დღევანდელ სხდომზე დავითაიამ განაცხადა, რომ ვრცელდება ინფორმაცია პატიმარ ვაჩნაძის ჯანმრთელობის გაუარესების შესახებ, რასაც შესწავლა სჭირდება.
დავითაიას პარლამენტის ადამიანის უფლებათა დაცვის კომიტეტის თავმჯდომარე ლაშა თორდია გამოეხმაურა. თორდიას თქმით, მას აღნიშნულის შესახებ გარკვეული ინფორმაცია აქვს.
~საგანგაშოა არაფერია, დეტალებს ვსწავლობ და ვარკევ~ - განაცხადა თორდიამ.
პარლამენტის თავმჯდომარის განცხადებით, ნებისმიერი პატიმრის საკითხი მნიშვნელოვანია, ამიტომ ეს საკითხი ან პარლამენტის ადამიანის უფლებათა დაცვის კომიტეტმა, ან შესაბამისმა კომისიამ უნდა შეისწავლოს.
