ხვალ, 26 ნოემბერს 14:00 წუთზე მესტიაში ლიბერთი ბანკის ახალი რეგიონალური ფილიალი იხსნება, რომელიც სრულ საბანკო მომსახურებას გაუწევს როგორც ფიზიკურ, ასევე იურიდიულ პირებს. ლიბერთი ბანკის მესტიის ფილიალში შესაძლებელი იქნება თითქმის ყველა სახის სესხის აღება, საერთაშორისო გზავნილების სისტემით სარგებლობა, სხვადასხვა ტიპის დეპოზიტების გახსნა, კომუნალური გადასახადების დაფარვა.
შეგახსენებთ, რომ ლიბერთი ბანკს საქართველოში ყველაზე ვრცელი საბანკო ქსელი გააჩნია. 194 სერვის ცენტრისა და 100-მდე ლიბერთი ექსპრესის მობილური სერვის ცენტრების მეშვეობით, ლიბერთი ბანკი ქვეყნის მოსახლეობის 1,3 მლნ ფიზიკურ და 39 000 იურიდიულ პირს ემსახურება.
