კომპანია DPA ბაქოში საკუთარი წარმომადგენლობის გახსნა გეგმავს. კომპანიის დირექტორის იურის ვილდესის განცხადებით, საინფორმაციო ტექნოლოგიების თემას აზერბაიჯანის პრეზიდენტი და მთავრობა სერიოზულად მოეკიდა.
შეგახსენებთ: საერთაშორისო გამოფენა BakuTel-ზე ლატვიიდან სწორედ DPA მონაწილეობდა. კომპანიამ გამოფენაზე ბიომეტრიული გადაწყვეტილებების მოდიფიკაცია და ბიომეტრიული მონაცემების დამუშავება წარმოადგინა, რომლებიც წარმატებით ხორციელდება ბალტიისპირეთის ქვეყნებში.„ეს საკმაოდ დიდ დახმარებას გაუწევს სახელმწიფო სტრუქტურებსა და კერძო საწარმოებს ბიომეტრიული მონაცემების თავმოყრაში. ჩვენ უკვე გვაქვს სისტემა, რომლითაც შესაძლებელია დააკავშიროთ ყველა შენახული ბიომეტრიული მონაცემები და სპეციალური ალგორითმების დახმარებით გააკეთოთ ანალიზი. DPA წარმოადგენს ამ გამოცდილების მქონე ერთადერთ კომპანიას ცენტრალურ და აღმოსავლეთ ევროპაში," - აცხადებს ვილდესი.
მისი თქმით, ბაქო იქნება კავკასიასა და მთლიანად კასპიის რეგიონში მეორე ადგილი, სადაც მათ საკუთარი წარმომადგენლობა ექნებათ.
ცნობისთვის: საერთაშორისო IT-კომპანია, ლატვიური DPA ქართულ ბაზარზე მაისში შემოვიდა. საქართველოში Microsoft-ის ერთადერთი ოქროს პარტნიორი კომპანია ქვეყანაში 2012 წლის ბოლომდე 2 მლნ დოლარის ინვესტიციის განხორციელებას გეგმავს.
მასალის გამოყენების პირობები
