ამირან (ბუტა) რობაქიძის გარდაცვალებიდან 7 წლისთავთან დაკავშირებით, მისი ოჯახის წევრები, ოპოზიციონერები და არასამთავრობო ორგანიზაციების წარმომადგენლები დიდუბის საზოგადო მოღვაწეთა პანთეონთან შეიკრიბნენ .
რობაქიძის მამის, სოსო რობაქიძის თქმით, 7 წლის წინ, 24 ნოემბერს, მისი შვილი საპატრულო პოლიციის თანამშრომლებმა მოკლეს, შემდეგ იარაღი ჩაუდეს და ცდილობდნენ დაემტკიცებინათ, რომ წინააღმდეგობას უწევდა.
"ამ დრომდე დანაშაულისთვის არავინ დასჯილა. პასუხი არ უგია დამნაშავეს, ის პირები კი, ვინც საქმის ფალსიფიცირება მოახდინეს და მოკლულს იარაღი ჩაუდეს, შსს-ის მაღალ თანამდებობებზე მუშაობენ", - განაცხადა მან.
ბუტა რობაქიძე 2004 წელს დიდუბის ეკლესიასთან ჩაცხრილეს. მის მკვლელობაში გარდაცვლილის ოჯახის წევრები საპატრულო პოლიციის თანამშრომლებს ადანაშაულებენ.
