"ჩვენს მოქალაქეებს ღირსეული სიბერის უზრუნველყოფას დავპირდით და ეს დაპირება სრულდება", - განაცხადა ჯანდაცვის მინისტრმა ანდრია ურუშაძემ.
პარლამენტში, სამთავრობო საათზე, პასუხგაუცემელი დარჩა ოპოზიციის შეკითხვა, თუ რატომ არ იზრდება პენსია ყველა კატეგორიის ადამიანებისთვის.
ანდრია ურუშაძის განცხადებით, პენსიის ზრდა ერთჯერადი აქტი არ არის და ეს მთავრობის თანმიმდევრული ნაბიჯია.
ურუშაძემ ვარდების რევოლუციამდელი პერიოდი გაიხსენა, როდესაც პენსიის რაოდენობა 14 ლარს შეადგენდა და რის შემდეგაც ის ეტაპობრივად იზრდება და ეს ტენდენცია არ შეჩერებულა.
მან ხაზი იმ გარემოებას გაუსვა, რომ ამ პროცესს თავისი კანონზომიერება აქვს.
