ენერგეტიკისა და ბუნებრივი რესურსების მინისტრმა ალექსანდრე ხეთაგურმა პარლამენტში გამოსვლა ოპოზიციის ტრიბუნიდან დაიწყო.
პარლამენტში, სამთავრობო საათზე მისული ალექსანდრე ხეთაგური ოპოზიციის ტრიბუნაზე ავიდა, რაზედაც დავით ბაქრაძემ იხუმრა: "პირდაპირ ოპოზიციის ტრიბუნასთან მიდიხართ? თავიდანვე ჩაჰბარდით ოპოზიციას?"
"უბრალოდ, ამ ტრიბუნიდან უკეთესად დაგანახებთ იმ პროექტებს, რა პროექტებიც წელს არის გათვალისწინებელი. აქედან გამომდინარე, მომიტევეთ", - უპასუხა ხეთაგურმა ბაქრაძეს.
ხეთაგურმა დეპუტატებს აუწყა, რომ საქართველოში შუქი არ იყო და ახლა უწყვეტი მომარაგებაა.
"მთავრობის 10-პუნქტიანი გეგემის უმთავრესი პრიორიტეტი არის ახალი, დამატებითი, მაღალანაზღაურებადი სამუშაო ადგილების შექმნა. ამას ემსახურება ახალი ინფრასტრუქტურული პროექტები, რომელიც უკვე დაწყებული გვაქვს. ეს ინფრასტრუქტურული პროექტები მოიცავს როგორც ქვეყნის შიგნით, ასევე მეზობელი ქვეყნების ენერგო სისტემებთან დამაკავშირებელი ხაზების მშენებლობას", - განაცხადა ხეთაგურმა.
მისი თქმით, დღეს რამდენიმე დიდი პროექტი მიმდინარეობს ეს არის ახალი გადამცემი ხაზების მშენებლობა.
