ენერგეტიკისა და ბუნებრივი რესურსების მინისტრ ალექსანდრე ხეთაგურის განცხადებით, ხუდონჰესსა და ნამახვანჰესის კასკადს ალტერნატივა არა აქვს.
ხეთაგურის განცხადებით, აღნიშნული ჰესების მშენებლობა ჯერ კიდევ საბჭოთა კავშირის პერიოდში დაიწყო და იმ დონეზეა მიყვანილი, რომ აუცილებლად უნდა დასრულდეს.
"ხუდონჰესის მშენებლობა, სავარაუდოდ, მომავალ წელს დაიწყება. ნამახვანჰესის კასკადის მშენებლობაზე ტენდერი დაახლოებით ერთი კვირის წინ გამოვაცხადეთ. ვიმედოვნებ, მშენებლობა ტენდერის ჩატარებისთანავე, ძალიან სწრაფად დაიწყება, რადგან ის გარემოზე ეკოლოგიური ზემოქმედების თვალსაზრისით ყველაზე უკეთ შესწავლილი ობიექტია", - აღნიშნა ხეთაგურმა პარლამენტში გამოსვლისას.
