თბილისის მერმა გიგი უგულავამ დღეს „პოპულის" გადამამუშავებელი საწარმო დაათვალიერა და იქ დასაქმებულ თბილისელებს შეხვდა.
სუპერმარკეტების ქსელმა "პოპულმა" პროდუქციის გადამამუშვაებელი და დამხარისხებელი საწარმო ააშენა. ობიექტი 4 000 კვ.მეტრზეა განთავსებული. მისი აშენების იდეა მიზნად ისახავს მომხმარებლებისთვის ხარისხიანი, ევროპული ტექნოლოგიით დამუშავებული და შეფუთული, ჯანსაღი საკვების შეთავაზებას.
უგულავას თქმით, „პოპული" აქტიურად თანამშრომლობს თბილისის მერიასთან და პერსონალის ნაწილს თბილისის მერიის დასამების მსურველთა ბაზიდან არჩევს. ტესტირების გავლის შემდეგ, თითოეული მათგანი კვალიფიკაციის ამაღლების მიზნით, შესაბამის ტრეინინგს გადის და მუშაობას იწყებს.
დასაქმების მსურველთა მონაცემების ერთიანი ბაზა თბილისის მერიაში 2010 წლიდან ფუნქციონირებს და ის ქალაქის 30 მუნიციპალიტეტში არსებულ დასაქმების მსურველთა მონაცემებს აერთიანებს.
თბილისის მერია თანამშრომლობს კერძო სექტორთან, ყოვლდღიურად იღებს ინფორმაციას მათთან არსებული ვაკანსიების შესახებ და ბაზაში დარეგისტრირებულ პირებს დამსაქმებელ კომპანიებთან უწევს რეკომენდაციას. ბაზიდან შერჩეული თბილისელები გასაუბრების შემდეგ, გადამზადების სპეციალურ კურსებს გადიან, რათა შესაბამისი უნარ-ჩვევები შეიძონონ და კვალიფიციურ კადრებად ჩამოყალიბდნენ.
საწარმოში ამჟამად 155 ადამიანია დასაქმებული და კომპანია აღნიშნულ სფეროში სტაბილური სამუშაო ადგილების შექმნას მომავალშიც გეგმავს. „პოპული" თანამშრომლობს თბილისის მერიასთან და საჭიროების შემთხვევაში კადრებს მერიის დასაქმების მსურველთა ბაზიდან შეარჩევს.
