"თბილისის ცენტრალური საავადმყოფოს" გასხვისება 8 დეკემბრამდე გადაიდო. აუქციონი, რომელიც დღეს 24 ნოემბერს უნდა გამართულიყო, ეკონომიკისა და მდგრადი განვითარების სამინისტრომ 8 დეკემბრამდე გადადო.
ობიექტის საწყისი ღირებულება 1 მლნ. 700 ათას დოლარს შეადგენს.
"თბილისის ცენტრალური საავადმყოფოს" კაპიტალი 7.11.2011 წლის მდგომარეობით 1 676 637,40 ლარს, დებიტორული დავალიანება 01.10.2011 წლის მდგომარეობით 70 207 ლარს, კრედიტორული დავალიანება 01.10.2011 წლის მდგომარეობით 826 494 ლარს შეადგენს.
პირობებიანი აუქციონის თანახმად, მყიდველის მიერ საპრივატიზებო საფასურის 20%-ის გადახდა უნდა განხორციელდეს ელექტრონული აუქციონის დასრულებიდან 30 კალენდარული დღის ვადაში, ხოლო დარჩენილი 80%-ის - ელექტრონული აუქციონის დასრულებიდან 8 თვის განმავლობაში. მყიდველი ვალდებულია ასევე საპრივატიზებო ობიექტი აფუნქციონიროს სამედიცინო პროფილით 2012 წლის 1 მარტიდან შემდგომი 7 წლის განმავლობაში.
