სრულიად საქართველოს კათალიკოს-პატრიარქი ილია მეორე რუსეთიდან საქართველოში ხვალ, 24 ნოემბერს, დაბრუნდება. პატრიარქი რუსეთს 18 ნოემბერს, რუსეთის პატრიარქ კირილის 65 წლის იუბილის დაკავშირებით ეწვია.
ილია მეორემ აღნიშნული იუბილესადმი მიძღვნილ რამდენიმე ღონისძიებაში მიიღო მონაწილეობა. ვიზიტის ფარგლებში იგი პატრიარქ კირილს შეხვდა, ის ასევე მონაწილეობდა მაცხოვრის ტაძარში საღმრთო ლიტურგიაში. პატრიარქმა მოსკოვში მყოფ სხვა მართლმადიდებელი ეკლესიების წარმომადადგენლებთან ერთად რუსეთის პრეზიდენტ დიმიტრი მედვედევთან შეხვედრა გამართა.
გიორგობის დღესასწაულზე ილია მეორემ მოსკოვში, წმ.გიორგის სახელობის ტაძარში, წირვა აღავლინა.
