"ვებ-გვერდი http://www.businessombudsman.ge მთლიანად ჩვენი გუნდის მიერ შემუშავდა. მისი საფუძველი და მთავარი პრინციპი არის სიმარტივე. მთელი წლის განმავლობაში ცხელი ხაზით, პირადი შეხვედრებითა და იგივე კონფერენციებით ძალიან ბევრ კითხვებს ვისმენდით ბიზნესმენებისგან. ჩვენ გაკეთებული გვაქვს სტატისტიკა ხშირად დასმული შეკითხვების და სწორედ ამ შეკითხვებზე პასუხი შესაძლებელია ნახოს დაინტერესებულმა პირმა ჩვენს ვებ-გვერდზე"- განაცხადა პერტაიამ.

მისივე თქმით, http://www.businessombudsman.ge-ზე განთავსებულია ასევე სპეციალური ფორმა და ნებისმიერ მსურველს შეუძლია ბიზმესომბუდსმენს საკუთარი პრობლემების, ან შეკითხვების შესახებ მიწეროს და ბიზნესომბუდსმენიც მათ ერთი დღის განმავლობაში დაუკავშირდება.
"დაინტერესებულ პირებს შეუძლიათ ასევე სახელისა და გვარის მითითების გარეშეც მოგვწეროს, რადგანაც კანონმდებლობის მიხედვით ვალდებულნი ვართ გნვიხილოთ ნებისმერი ფორმით მოწოდებული ინფორმაცია, მაგრამ სასურველია რომ საკონტაქტო ინფორმაციაც მოგვაწოდონ, რათა შემდგომ მათ უკან დავუკავშირდეთ"- აცხადებს ბიზნესომბუდსმენი.

გიორგი პერტაია ამბობს, რომ საიტზე განთავსებულია ასევე ყველანაირი ბზინეს კანონმდებლობა, რომელიც განახლდება ნებისმერი სიახლის შეტანის შემდგომ.

საიტზე განთავსებულია ასევე გადამხდელის კალენდარი, ეს არის საგადასახადო კალენდარი და ბიზნესმენს შეუძლია ყოველდღე ნახოს თუ რა ვალდებულებები აქვს საგადასახადო ორგანოსთან.
საიტზე არის ასევე საგადასახადო კოდები და ნომენკლატურა.
"თუ ვინმე იმპორტირებას აპირებს, ჩვენს საიტზე ნახავს თავის საქონელს თუ რა კოდი უნდა მიანიჭოს, რადგანაც სწორედ კოდებზეა ძალიან ბევრი პრობლემები და შეკითხვები"- ამბობს გიორგი პერტაია.

http://www.businessombudsman.ge-ზე განთავსებულია ასევე ცვლილებებისა და პროექტების ბმული, სადაც მოთავსებულია განხორციელებული ცვლილებები და ასევე ის პროექტები რომელიც ამ ეტაპზე მთავრობის მიერ განიხილება.

როგორც ცნობილია, ბიზნესომბუდსმენი ზედამხედველობას უწევს საქართველოს ტერიტორიაზე გადასახადის გადამხდელთა უფლებებისა და კანონიერი ინტერესების დაცვას; ავლენს მათი დარღვევის ფაქტებს, ხელს უწყობს დარღვეული უფლებების აღდგენას; განიხილავს პირთა განცხადებებსა და საჩივრებს, რომლებიც შეეხება საგადასახადო და სხვა სახელმწიფო ორგანოების მიერ გადასახადის გადამხდელთა უფლებების დარღვევის ფაქტებს; მას უფლება აქვს, სახელმწიფო ორგანოდან მიიღოს განმარტება გადასახადის გადამხდელის განცხადებასთან ან/და საჩივართან დაკავშირებულ საკითხზე;

გადასახადის გადამხდელის უფლებების დარღვევის ფაქტის გამოვლენის შემთხვევაში ბიზნესომბუდსმენი მიმართავს შესაბამის ორგანოს და აძლევს რეკომენდაციას ამ უფლებების აღდგენის ღონისძიებათა განხორციელების შესახებ;