საქართველოს პრეზიდენტმა, მიხეილ სააკაშვილმა, ქუთაისში კინოთეატრ "საქართველოს" მშენებარე შენობა დაათვალიერა. როგორც პრეზიდენტმა განაცხადა, იმისთვის, რომ ქუთაისი მეორე დედაქალაქი გახდეს, საჭიროა მისი განვითარება როგორც ეკონომიკური და ტურისტული, ისე ინფრასტრუქტურული თვალსაზრისით.
დღესვე საქართველოს პრეზიდენტმა ქუთაისის სახელმწიფო ისტორიული მუზეუმი გახსნა, რომელიც ყოფილი ეროვნული ბანკის განახლებულ შენობაში განთავსდა. სააკაშვილი ინტელიგენციის წარმომადგენლებს სწორედ ამ შენობაში შეხვდა და სიტყვით მიმართა.
