წლის ბოლოს 2011 წლის სახელმწიფო ბიუჯეტში დაგეგმილი ცვლილებების პროექტს ფინანსთა მინისტრი დიმიტრი გვინდაძე პარლამენტის საფინანსო-საბიუჯეტო კომიტეტში განიხილავს.
მინისტრის განმარტებით, 2011 წლის 9 თვის მონაცემების მიხედვით, გასულ წელთან შედარებით, საგადასახადო შემოსავლები გაზრდილია 25%-ით, დღგ-ის ბრუნვები - 24%-ით, საბანკო სექტორის მიერ ეკონომიკის დაკრედიტება - 20%-ით და სავაჭრო ბრუნვა - 40%-ით.
მისი თქმით, გაზრდილი პარამეტრები დაგეგმილ ეკონომიკური ზრდის პროგნოზზე აისახა და ნაცვლად 4,5%-ისა, მისი მაჩვენებელი წლის ბოლომდე 6%-ით განისაზღვრება.
ზემოაღნიშნულიდან გამომდინარე, მთავრობა პარლამენტში 2011 წლის სახელმწიფო ბიუჯეტის ასიგნებების 213.7 მლნ. ლარით გაზრდის ინიციატივით შევიდა.