"10 თვის ეკონომიკური აქტივობა საკმაოდ პოზიტიურ ციფრებში გამოისახა. ჯამში ათ თვეში ეკონომიკურმა აქტივობამ 6,5 პროცენტი შეადგინა, რაც საკმაოდ მაღალი ციფრია და ამას წლის დასაწყისშიც ველოდებოდით. ამას ელოდებოდა საერთაშორისო სავალუტო ფონდი. წლის დასაწყისში საწყისი პარამეტრი ჩადებული გვქონდა 5,5 პროცენტი, თუმცა შემდეგ მოხდა ამ პარამეტრების გადახედვა და საერთაშორისო სავალუტო ფონდთან შეთანხმებით ეკონომიკური ზრდა წლის განმავლობაში 6 პროცენტი უნდა ყოფილიყო. ეკონომიკური ზრდის პარამეტრები იზრდება, თუმცა ოფიციალურ პარამეტრს მაინც 6 პროცენტზე ვტოვებთ", - განაცხადა გილაურმა.

პრემიერ-მინისტრის თქმით, ეს ყველაფერი კი ხდება იმ ფონზე, როდესაც ოცმა ქვეყანამ თავისი ეკონომიკური ზრდის მაჩვენებელი შეამცირა.

"და ეს ხდება იმ დროს, როდესაც მსოფლიოში სერიოზული ეკონომიკური კრიზისია და ეს ხდება იმ დროს როცა ფინანსური ბაზრები ჩამოშლის პირასაა" - განაცხადა პრემიერ მინისტრმა.

გილაურის თქმით, მთავრობამ საერთაშორისო ბირჟებზე შექმნილი ვითარების გამო გეგმები შეცვალა და წელს საერთაშორისო ბირჟებზე მინოტარული აქციების გატანა აღარ მოხდება. თუმცა აღნიშნულ საკითხთან დაკავშირებით მთავრობა საბოლოო გადაწყვეიტლებას უახლოეს ხანებში მიიღებს.