ფილმის "მისია: შეუსრულებელი 4" მსოფლიო პრემიერა არაბეთის გაერთიანებულ ემირატებში, ქალაქ დუბაიში გაიმართება.
ფილმის ჩვენებით, 2011 წლის 7 დეკემბერს არაბეთის გაერთიანებულ ემირატებში საერთაშორისო კინოფესტივალი გაიხსნება. საზეიმო ცერემონიალს დაესწრებიან რეჟისორი ბრედ ბერდი, მთავარი როლის შემსრულებელი ტომ კრუზი, ჯერემი რენერი და სხვა მსახიობები.
ფესტივალის ორგანიზატორები დარწმუნებული არიან, რომ ასეთი დონის ფილმის პრემიერა მნიშვნელოვანი ბიძგი იქნება ადგილობრივი კინოინდუსტრიის განვითარებისთვის.
ფილმის ეპიზოდების ნაწილი გადაღებულია დუბაიში. კერძოდ, მსოფლიოში ყველაზე მაღალ კოშკ ბურჟ-ხალიფაში, ეგრეთ წოდებულ ძველ ქალაქში და Palm Island-ის ხელოვნურ კუნძულზე.
IMAX კინოთეატრების ქსელში სურათი 16 დეკემბერს, ხოლო ფართო გაქირავებაში 2011 წლის 21 დეკემბერს გამოვა.
