ცენტრალური საარჩევნო კომისიის თავმჯდომარე ოფიციალური ვიზიტით 15-17 ნოემბერს თურქეთის რესპუბლიკაში, სტამბულში იმყოფებოდა. ვიზიტის ფარგლებში ცესკოს თავმჯდომარემ რეგიონულ ფორუმში მიიღო მონაწილეობა, სადაც განხილვის მთავარი თემა - გადაწყვეტილებების მიღებისას თანასწორი გენდერული უფლებების უზრუნველყოფა იყო.
შეხვედრაზე განიხილეს ისეთი საკითხები, როგორიცაა ქალთა მონაწილეობა და მათი როლის გაზრდა გადაწყვეტილების მიღების პროცესში, პოლიტიკურ პარტიებთან თანამშრომლობა ქალთა პოლიტიკურ პროცესებში ჩართულობის გაზრდის მიზნით, გენდერული თანასწორობის ინტეგრირება საჯარო უწყებებში და ქალთა აქტიური მონაწილეობა საარჩევნო პროცესებში.
შეხვედრას, რომელიც გაეროს განვითარების პროგრამის ფინანსური მხარდაჭერით განხორციელდა, საერთაშორისო ორგანიზაციებისა და სხვადასხვა ქვეყნების საარჩევნო ადმინისტრაციების წარმომადგენლები ესწრებოდნენ.
